HizkuntzakHitzarmenak
Soziolinguistika Klusterraren eta Euskarabidearen artekoa
Hitzarmenaren xedea da euskara berreskuratzen eta normalizatzen lagunduko duten azterketa eta ikerketa estatistikoak egiteko laguntzea datu demolinguistiko eguneratuak lortzeko, Nafarroan euskararen egoera ebaluatzeko eta errealitate soziolinguistikoaren bilakaera ezagutzeko, besteak beste. Neurketetan eta ikerketetan lortutako datuak oinarri moduan erabiliko dira errealitate soziolinguistikora egokitutako politika bat egiteko. Iaz egin zen bezala, aurten ere hiru proiektu lagunduko dira.
Lehenengo proiektua Kaleko Hizkuntzen Erabilera da. Iaz kaleko hizkuntzen erabilera neurtzeko landa-lanak egin ziren. Aurten lanari jarraipena eginez Soziolinguistika Klusterrak datuen azterketa eta txostena eginen ditu eta, aldi berean, emaitzak zabalduko ditu.
Hizkuntzen erabilera baloratzeko adierazle esanguratsuetako bat erabilera da, eta ikerketa honi esker toki-mailan nolako bilakaera duen ezagutu ahal izanen da. Gainera, lortutako datuak erabiltzen dira Euskararen Adierazleen Sistema (EAS) elikatzeko eta toki-erakundeek, agente sozialek eta herritarrek errealitate soziolinguistikoaren ezagutza zorrotza izan dezaten.
Finantzatuko den bigarren proiektuan, eremu euskalduneko haurren hizkuntza-praktikak eta –bizipenak aztertuko dira. 2022 urtean elkarrizketak, eztabaida-taldeak, ikasleekiko dinamikak, datuen transkripzioa eta informazioaren azterketa burutuko da.
Hirugarrena Aldahitz ikerketa-proiektua da. 2022an proiektuan sartutako metodologiak zabaltzea (EUSLE, ULERRIZKETA, ULER-SAIOAK); esperientzia pilotuak antolatzea hainbat gizarte-eremutan metodologiak aplikatzeko; proiektuaren oinarri teoriko-metodologikoak garatzearekin lotutako lanak; metodologiak ebaluatzea; material eta euskarri didaktikoak berrikustea eta lantzea; langileak prestatzea, dibulgazio-materialak lantzea dira garatuko diren lanak.