Dirulaguntzak

Euskara ikasteko helduentzako laguntzak, 2022 urteko eta 2023ko urteko lehen seihileko ikastaroetarako

Norentzat: herri ekimeneko euskaltegi eta zentroetan euskara ikasi nahi duten 16 urte goitiko helduentzat, Nafarroan erroldatuta.

Salbuespenak:

  • Hizkuntza eskola ofizialetan, Zubiarte eta Euskarabideko euskaltegietan ari diren ikasleak.
  • Euskarazko ikastaroak egiten dituzten administrazio publikoetako langileak, berariazko laguntzak dituzte-eta.

Ikastaro motak: estentsiboak, trinkoak, barnetegiak eta autoikaskuntza tutorizatua.

Dirulaguntza horiek bi modalitatetan banatuko dira:

  • A modalitatea: 2021eko urriaren 26tik aurrera egindako matrikuletarako, ikastaroek 2022ko irailaren 30erako bukatuta behar dute. Horietarako 40.000 euro bideratuko dira. A modalitatean eskaerak egiteko epea maiatzaren 26an zabaldu zen, eta abuztuaren 31n amaituko da.
  • B modalitatea: 2022ko abuztuaren 29etik abenduaren 1era bitartean hasiko diren ikastaroetarako, ikastaroek 2023ko ekainaren 30erako  bukatuta behar dute. Beste hauetarako, berriz, 260.000 euro bideratuko dira. B modalitateko eskaerak egiteko epea, berriz, urriaren 1ean hasiko da eta azaroaren 30ean amaitu.

Ikasleen konpromisoa: ikastaroaren %80ko bertaratzea eduki behar da, gutxienez.

Gobernuaren dirulaguntza horri buruzko argibide gehiago izateko eta eskaerak bideratzeko sakatu hemen.

Helduen euskalduntzeari buruzko bestelako laguntzak eta euskaltegiei buruzko informaziorako, zoaz euskara.ikasi webgunera 

Aurrekoak

Atzera